အလွမ်းကိုပုံဖော်ကြည့်တော့
အနမ်းတွေကတစ်ပွေ့တစ်ပိုက်နဲ့။
ဆောင်းကမအေးသေးဘူး ချစ်သူ
အပြောင်းအလဲတွေထဲမှာတော့
ကိုနွေးထွေးချင်နေပြီ။
အသိဆိုတဲ့စိတ်တွေထဲမှာ
သတိရခြင်းတွေက ကပ်ကပ်ပါလာတယ်။
အဝေးမှာ
အဝေးမှာ
အဝေးမှာဆိုတဲ့စကားလုံးကို
ကိုသတ်ပုံတွေမှားမှားပေါင်းတယ်(သိရက်နဲ့)
နှလုံးသားချင်းနီးနေတာပဲ
ဟင့်အင်း
အမြဲတမ်းနီးစပ်ချင်ပြီဆို
အဲ့ဒါ ကိုယ့်အတ္တဖြူပါ....ချစ်သူ။
နောက်ကျတဲ့ဆောင်းရယ်
နောက်ဆုံးအချစ်ဆိုတဲ့ ကို့အချစ်ရယ်
ဘဝဟာ တစ်ခါတစ်လေတိုက်ဆိုင်မှုတွေများခဲ့တယ်။
ဟုတ်တယ်
၁၄ခုနှစ် နိုဝင်ဘာက ဖောက်ပြန်တယ်
မင်းအပေါ်မဖောက်ပြန်ဘူးလို့
ရဲရဲကတိပေးတယ်။
အလွမ်းက အလွမ်းပါပဲ
နိုဝင်ဘာမှာ လွမ်းတဲ့အလွမ်း။
နွေးထွေးမှုတွေ ပေးမယ့်အလွမ်း
စောင့်ဆိုင်းခြင်းနဲ့အတူ လွမ်းတဲ့အလွမ်း
ကို့ရဲ့...................
နိုဝင်ဘာ......အလွမ်း။
.......................................
ရင်နှင့်ရင်း၍
အောင်မိုးသူ
၂၀၁၄ခုနှစ် ၁၂ရက် နိုဝင်ဘာ
No comments:
Post a Comment