Tuesday, November 25, 2014

ချစ်ခြင်းအား အင်အားဖြစ်စေ


ရောက်နေတဲ့နေရာဟာ လမ်းဆုံးဆိုရင်

ကိုဟာ ချောကမ်းပါးတစ်ခုအစွန်းမှာ ရပ်မိနေသူတစ်ယောက်ပါ.....ချစ်တဲ့သူ။


တကယ်လို့ လမ်းစဆိုရင်

ကိုဟာ မျှော်လင့်တဲ့အနာဂတ်ကို ဖန်တီးချင်တာပါ....ချစ်တဲ့သူ။


တံတားမရှိဘူး အခြားမရှိဘူး

ကိုဟာ ဒီချောက်ကမ်းပါကနေ မင်းနဲ့အတူခုန်ချပစ်လိုက်မယ်။

(မိုက်ရူးရဲဆန်တယ် ပြောချင်ပြောပါစေ)

နိုဝင်ဘာအလွမ်း


အလွမ်းကိုပုံဖော်ကြည့်တော့

အနမ်းတွေကတစ်ပွေ့တစ်ပိုက်နဲ့။

ဆောင်းကမအေးသေးဘူး ချစ်သူ

အပြောင်းအလဲတွေထဲမှာတော့

ကိုနွေးထွေးချင်နေပြီ။


အသိဆိုတဲ့စိတ်တွေထဲမှာ

သတိရခြင်းတွေက ကပ်ကပ်ပါလာတယ်။

အဝေးမှာ

အဝေးမှာ

အဝေးမှာဆိုတဲ့စကားလုံးကို

ကိုသတ်ပုံတွေမှားမှားပေါင်းတယ်(သိရက်နဲ့)

Thursday, September 11, 2014

ကြယ်တွေကြွေနေပြီ……….မောင်





တစ်ဖျတ်ဖျတ်တောက်ပနေတဲ့ ကြယ်တွေကို ကျွန်မမော့ကြည့်မိနေတယ်။ ကျွန်မစောင့်ကြည့်နေတယ်။ ကြာခဲ့ပါပြီ။ မိုးတစ်ဖွဲဖွဲကျရောက်နေပေမယ့် လက်တစ်ဖက်က ထီးကိုဆုပ်ကိုင်ထားပြီ စောင့်ကြည့်နေမိတယ်။ မြစ်ကမ်းဘေးနားမှာ လူတစ်ယောက်မှရှိဘူး။ ကူးတို့ဆိပ်နားက လှေကိုစောင့်ရင် နားဖို့ထားတဲ့ ဝါးတဲအိမ်က ကတော့ ခပ်တည်းတည်း။ လှေစီးမယ့်သူမရှိတော့တဲ့အချိန်မှာ ညကမှောင်မိုက်နေတယ်။ ချောင်းရေပြင်ပေါ် မှာတော့ မိုးပေါက်တွေရဲ့ ကျရောက်မှုကြောင့် လှိုင်းပွက်ကလေးတွေက ခပ်ဖျောက်ဖျောက်ပေါ်နေတယ်။ ကြယ်တွေကတော့ မှိတ်တုတ်မှိတ်တုတ်။ တိမ်မည်းမည်းတွေ အနည်းငယ်အုပ်မိုးထားတော့ ကြယ်တွေကို သိပ်မတွေ့ရဘူး။ တစ်စုံတစ်ရာကြယ်များ ကြွေမလားလို့ပေါ့။ ဆုတောင်းဆိုတာ တောင်းတိုင်းပြည့်သလားလို့ ကျွန်မကိုယ့်ကိုယ်ကိုယ်ပြန်မေးကြည့်မိတယ်။ နောက်ဆုံးတော့လည်း မျှော်လင့်ချက်တွေသာ အဖတ်တင်ခဲ့ သလားလို့ ပြန်အဖြေထုတ်မိပြန်တယ်။ အခုတော့ ကျွန်မစောင့်ကြည့်တဲ့အချိန်ထိ ကြယ်တွေမကြွေသေးဘူး …မောင်။

Thursday, August 14, 2014

စက္ကူကြယ်ဖန်ပုလင်း (သို့) သူ့......ကိုပြောပြချင်လိုက်တာ





ဘဝဟာ ချိုမလိုနဲ့ ခါးတဲ့အကြောင်း
အချစ်ဟာ တိမ်လိုလိုနဲ့ နက်တဲ့အကြောင်း
ကြည်နူးခြင်းတွေဟာ  ကြွေမလိုလိုနဲ့ မြဲတဲ့အကြောင်း
သူ့ကိုပြောပြချင်လိုက်တာ။

-- မိုးလူ --
………………..

          ဘာကြောင့်များ နှစ်ပေါင်းများစွာတိုင်အောင် မဟောင်းသေးတာလည်းဆိုတာ အံသြမိသည်။ လွန်ခဲ့တဲ့ (၈)နှစ် ဝန်းကျင်ခန့်က ခရေပင်များမှာ ပို၍ပင် အုံ့ဆိုင်းလာသေးသည်။ တကယ်တော့ ပြီးခဲ့တဲ့ (၈)နှစ် ကတည်းက ကောင်လေးတစ်ယောက်ဟာ ဒီခရေပင်တန်းတွေအောက်မှာ စက္ကူကြယ်တွေခေါက်ပြီး ဖန်ပုလင်းလေးထည့်ခဲ့ တာ အခုထိဆိုတာ ဘယ်သူမှ သတိထားမိမှာ မဟုတ်ပေ။ ဘယ်တော့မှမဟောင်းတဲ့ အချစ်တွေနဲ့အတူ စက္ကူကြယ်တွေထည့်ထားတဲ့ ဖန်ပုလင်းလေးများကတော့ ကျွန်တော့်အခန်းထဲမှာ အစီအရီရှိနေသေးသည်။ ဖန်ပုလင်းလေးထဲမှ စက္ကူကြယ်လေးတစ်ခုချင်းစီတွင် ကြည့်နူးခြင်းများ အပြည့်အနှက်ရှိနေသည်ဟု ကျွန်တော် တပ်အပ်ပြောရဲ၏။ မယုံသောသူရှိရင်လည်း ပြုံးပြရုံသာ တတ်နိုင် တော့သည်။ သေချာခြင်းတစ်ခုမှာ ဟောင်းနွမ်းမသွားသော အရာများထဲတွင် အချစ်တစ်ခုအပါအဝင်ဖြစ်သည်။ မည်သို့ မည်ပုံ အမည်နာမ တပ်၍ မည်သည့်အချစ်ဆိုသည်မှာတော့ အမည်နာမ မတပ်လိုသည်မှာ ကျွန်တော့်ဆန္ဒပင်ဖြစ်သည်။

Monday, May 19, 2014

ကော်ဖီပုံပြင် (၂) @ ဒုတိယမြောက် ကော်ဖီပုံပြင်



‘ဟုတ်တယ်….ယွန်း ကိုယ်ဆုံးဖြတ်ပြီးသွားပြီ’

          မောင့်ဆီက စကားသံကြားလိုက်ရတဲ့အချိန်မှာ ကျွန်မလက်ထဲက ကော်ဖီခွက်က ရုပ်ရှင်တွေထဲကလို တော့ ပြုတ်ကျမသွားပေ။ တင်းတင်းကြပ်ကြပ်တော့ ဆုပ်ကိုင်ထားမိသည်။ ဟန်မပျက်ဘဲ ကော်ဖီခွက်ကို နှုတ်ခမ်းဖြင့်တေ့ရင်း မောင့်ကိုတစ်ချက်မော့ကြည့်မိသည်။ မောင့်မျက်နှာပေါ်တွင် ပြတ်သားသည့် အမူအရာမှ တစ်ပါး ထူးခြားသည့် အရိပ်အယောင်တစ်ခုမတွေ့ပေ။ အခန်းထဲတွင် ရေနွေးဆူသံပင် ကြားရသည်အထိ တိတ်ဆိတ်လွန်းလှသည်။ ဘလက်ခ်ကော်ဖီတစ်ခွက်ဖျော်ဖို့ သကြားအနည်းငယ်နှင့် သံပုရာသီးတစ်စိတ်ကို ထည့်လိုက်သည်။ တိတ်ဆိတ်မှုအား ကျွန်မမှစတင် ပြန်လည်ဖြိုခွင်းလိုက်သည်။

‘မောင်….သေချာပြီပေါ့’

Sunday, February 9, 2014

ကျတော် နဲ့ မေ

  မေ...........။ အဲသည်နေ့က ကျတော့်စိတ်ထဲ တစ်လုံးတည်းသာ ရေရွတ်လိုက်မိတဲ့စကားလုံးပဲ။ မေ့နှုတ်ခမ်းက ထွက်ကျလာတဲ့ စကားလုံးပေါင်းများစွာကို တွန်းလှန်တင်းခံမထားနိုင်တာ အံသြစရာ မဟုတ်ပါဘူးလေ။ သည်လိုပဲလေ မေ ကျတော့်ကို  အနိုင်ယူနေကြပဲ သည်ကိစ္စမှာ မေမမှားသလို ကျတော်လည်းမှန်တယ်လို့ မေနည်းနည်းတောင် မစဉ်းစားမိဘူးလား။ သစ္စာမဲ့တယ်လို့  မေထွက်ခဲ့တဲ့စကား အတိမ်အနက်ဟာ တင်းထားတဲ့ကျတော့်သိက္ခာလေး မှုန်ပျပျကို မေတစ်ခါတည်း ဆွဲချပစ်ခဲ့တာပဲ။ (၂)နာရီဆိုတဲ့ အချိန်ကာလတစ်ခု မေ့အတွက်အရေးကြီးမှန်း ကျတော်သိခဲ့တာပေါ့မေ။ အဲသည်လိုပဲ မေနဲ့ကျတော်သိပ်ချစ်တဲ့ 'နီတာနဲ့နီပြာ' လေးအတွက်လည်း ဘ၀နဲ့ရင်းပြီး အရေးကြီးတယ် ဆိုတာ မေသိမယ် ကျတော်ထင်ခဲ့တာ။

Wednesday, September 4, 2013

ဒီကဗျာကို ဒီနေရာတင်သတ်ပစ်လိုက်တယ်


မွတ်သိပ်စွာ ငိုကြွေးပြီးနောက်မှာ
ချုပ်နှောင်ထားခြင်းတွေ ကွယ်ပျောက်သွားတယ်
ဒါဟာ နင်းခြေခံလိုက်ရတဲ့ တေလေတစ်ကောင်ရဲ့တမ်းချင်း။

အားလုံးဟာ အစီအစဉ်အလိုက်ပါပဲ
ပိတ်ကားနောက်ကွယ်က ဖလင်အပိုင်းအစတွေက
ကုလားဖန်ထိုးခံလိုက်ရတာ ဘယ်သူမှမသိလိုက်ဘူး။