စူးရှတဲ့ အော်ဟစ်သံနဲ့အတူ ကျွန်မလက်ချောင်းတွေ အဖေ့မျက်နှာပေါ်ကျရောက်သွား၏။ ပါးပြင်ပေါ်က မျက်ရည်တွေနဲ့အတူ ပတ်ဝန်ကျင်တစ်ခုလုံး ချာချာလည်သွားသလို ခံစားလိုက်ရသည်။ ဆံပင်တွေ ကပိုကရို ဖွာလန်ကျဲနေပြီး မျက်နှာပေါ်တွင် ချွေးနဲ့မျက်ရည်ရောပြွန်းနေတဲ့ အမေ့ရဲ့မျက်နှာ တအံ့တသြဖြစ်သွားပြီး… မျက်နှာပေါ်က လက်သည်းကုတ်ရာတွေကို သူ့လက်နဲ့စမ်းကြည့်နေတဲ့အဖေ…။ အားလုံး…အားလုံး….သည် လျှပ်တစ်ပြက်နဲ့ အချိန်တိုအတွင်းမှာပင် ပြီးဆုံးသွားသည်။
*** *** ***
အိမ်ရှေ့ပြတင်းပေါက်မှတဆင့် ခြံတံခါးဝကို လှမ်းကြည့်ကြည့်နေတဲ့အမေ…. ည(၁၁)နာရီထိုးပြီ…. မအိပ်နိုင်သေးတာကိုကြည့်ပြီး…. ကျွန်မနားလည်နေ၏။ ဒီအဖြစ်အပျက်တွေသည် ညီမလေး(၄)နှစ်သမီးမှစရ်ျ ဖြစ်ပျက်လာသော အဖြစ်အပျက်များဖြစ်၏။ ယခုဆိုလျှင် ညီမလေးက(၅)နှစ် ၊ ကျွန်မက (၁၄)နှစ် နားမလည်သေးသည့်အရွယ်ဆိုပေမယ့်လည်း.. ကြုံရဖန်များလာသည့်အခါ ကျွန်မနားလည်လာသည်။ နေ့စဉ် နေ့တိုင်း.. ည(၁)နာရီကျော်မှ အိပ်ရာဝင်သည့်အမေ့ကို ‘အဖေ အိမ်ပြန်မလာဘူးလား….’ ဟူသော မေးခွန်းကို ကျွန်မမမေးတော့ချေ…။ ထိုအဖြစ်အပျက်များ၏ မြစ်ဖျားခံရာသည်……
လွန်ခဲ့သော(၁)နှစ်ခန့်…………………
ထိုနေ့က အမေ့ပေါင်ရင်းတွင် ညီမလေး အိပ်ပျော်နေသည်။ ကျွန်မကတော့ အခန်းထဲမှနေပြီး… အမေ့ရှေ့မှ အမေ့သူငယ်ချင်းဖြစ်သူပြောသည့် စကားတွေကြားနေရသည်။
“မနွယ်ရယ်…မငိုပါနဲ့တော့… ကိုယ့်ကိုမပစ်ဘဲ… ကောင်းကောင်းမွန်မွန်ထားတာပဲ…”
“သူငယ်ချင်းရယ်…ချစ်လို့ယူထားတဲ့….သူတွေလေ… ဒီလိုမလုပ်သင့်ဘူး…”
“ဟင်း…………မိန်းမတွေက ပိုက်ဆံမရှိတဲ့ဒဏ်ကိုမခံနိုင်ဘူး…. ယောက်ျားတွေက..ပိုက်ဆံရှိတဲ့ဒဏ်ကိုမခံနိုင် ဘူးတဲ့…. နောက်ဆုံး..အချိန်တန်တော့ အိမ်ပြန်လာမှာပေါ့အေ….”
“မလှတင်ရယ်….ပြောစမ်းပါ….အဲသည်ကောင်မ….ဘယ်သူလဲ…. ဘယ်မှာနေတာလဲ… ကျွန်မကိုပြောစမ်းပါ..”
*** *** ****
ညီမလေးအား မူကြိုမှာအပ်ရ်ျ အမေကျွန်မလက်ဆိုဆွဲကာ.. ရပ်ကွက်တစ်ခုကိုသွားခဲ့သည်။ ထိုနေ့က အမေ့ထက်ငယ်သော… အစ်မကြီးနဲ့အမေတို့ပြောတဲ့စကားလုံးတွေသည် ကျွန်မရင်ထဲတွင် ဆူးတစ်ချောင်းလို နစ်ဝင်ခဲ့သည်မှာ ကျွန်မဘယ်တော့မှ မေ့လို့ရမှာမဟုတ်ခဲ့ချေ။ ဒေါသနှင့်…တစ်ခုခုဆုံးရှုံးရသလိုဖြစ်နေသော အမေ့အသံသည် သာမာန်ထက်ပိုမိုကျယ်လောင်နေသည်မှာ အမေမှားများမှားသွားသလားဟု ကျွန်မထင်မိ၏။ ရပ်ကွက်သန့်သန့်တစ်ခုမှ အိမ်တစ်အိမ်ရဲ့တံခါးဖွင့်ဖွင့်ချင်းပင် အမေ့ရဲ့စကားသံကျယ်ကျယ်က ထွက်ပေါ်လာ သည်။
“ဒီမှာ…. မိန်းကလေး… သူများမိသားစုကို မဖျက်ဆီးပါနဲ့…”
“အန်တီ့အိမ်က ကြောင်ကိုပဲ ကျွန်မဆီမလာအောင် ဂုတ်ကဆွဲထားလိုက်ပါအန်တီ….”
ထိုမမ၏ ခပ်စွာစွာစကားသံကြောင့်… နောက်ထွက်လာမည့် အမေ့စကားသံများ ပျော့ပျောင်းသွားရသည်။
“ကျေးဇူးပြုပြီး….အန်တီနဲ့ အန်တီ့ကလေးတွေကို သနားပါ…သမီးရယ်….”
ကျွန်မအားတစ်ချက်ကြည့်ရ်ျ… …. ထိုမမ၏မျက်နှာတစ်ချက်ပျက်သွားသည်။
“လက်ခုပ်ဆိုတာ နှစ်ဖက်တီးမှမြည်တာပါ အန်တီ…. နောက်ထပ်ဒီကိုမလာပါနဲ့တော့…..”
အိမ်သို့ပြန်ရောက်သောအခါ အမေချုံးပွဲချငိုတော့သည်။ အမေ့လက်မောင်းအား ဖက်တွယ်နေရုံဖြင့် ကျွန်မဘာမျှမတတ်နိုင်ခဲ့ချေ။ ထိုနေ့ညမှစရ်ျ……. ကျွန်မတို့အိမ်ကလေးတွင် မုန်တိုင်းစတင်ထန်တော့သည်။ တခါတရံမှ အိမ်ပြန်ပြန်လာတတ်သော အဖေသည်…. ထိုနေ့ညတွင် ခပ်စောစောအိမ်သို့ပြန်ရောက်လာသည်။ အမေ့၏စကားများသည် အဖေ့အတွက် ပြန်တွန်းလှန်ရ်ျမရသော စကားများဖြစ်သောအခါ….. အမေနှင့်အဖေ၏ ရန်ပွဲမှာ….တစ်စထက်တစ်စ.. ပြင်းထန်ရ်ျသာလာတော့သည်…။ ထိုနေ့ညတွင်…. အမေသည် ညီမလေးနှင့်ကျွန်မလက်အားဆွဲရ်ျ….. အိမ်ပေါ်မှဆင်းလာခဲ့သည်…..။ အမေအိမ်ပေါ်မှဆင်းသောအခါ…….. မတားဆီးသောအဖေ့အား…. ကျွန်မအံ့သြမိသေးသည်….။
မှောင်မိုက်မိုက်လမ်းပေါ်တွင်…. အမေဘယ်ကိုသွားနေသည်ကို ကျွန်မမတွေးတတ်ချေ….။ လမ်းမ၏ လမ်းဘေးပလက်ဖောင်းတွင်သာအမေထိုင်နေသည်။ အမေနှင့်အတူ ကျွန်မနှင့်ညီမလေးပါ…. အတူတူထိုင်ရ်ျ အမေ့ကိုသာကျွန်မကြည့်နေမိသည်…။ မှောင်သထက်မှောင်လာသောညကိုကြည့်ရင်း…. အဖေကျွန်မတို့အား လိုက်ရ်ျမရှာဖူးလားဟု စဉ်းစားမိသေးသည်….။ စဉ်းစားရင်းပင်…… ကျွန်မမျက်လုံးများမှေးစင်းလာတော့၏။ အေးစိမ့်သောဒဏ်ကိုခံစားလာရသောကျွန်မ မျက်လုံးဖွင့်ကြည့်မိသောအခါ.
“ဟင်….အမေ…အမေ..ညီမလေးရော….”
အမေ့ဘေးတွင်ရှိသောညီမလေး မရှိတော့သည်ကို တွေ့ရသောအခါ…..အမေရောကျွန်မပါ… မျက်လုံးပြူးသွားရသည်…။
“သမီးရေ…… သမီး….”
“ညီမလေး….ရေ…. ညီမလေး…..”
မတွေ့သည့်အဆုံး…..ကျွန်မနှင့်အမေအိမ်သို့ပြန်ရှာသောအခါ…… အဖေတစ်ယောက်သာ… ကုလားထိုင်ပေါ်တွင်…အိပ်မောကျနေသည်ကို တွေ့လိုက်ရသည်….။ ညီမလေးပျောက်သွားသောအခါ.. အဖေနှင့်အမေ၏စစ်ပွဲသည် ထပ်မံရ်ျ…… ဖြစ်ပွားပြန်တော့သည်။ ထိုညတွင်ဖြစ်ပွားသော အဖြစ်အပျက်များသည် ညီမလေးတွင်မကဘဲ…… ကျွန်မရင်ထဲတွင်ပါ…. စိုက်ဝင်သောစူးတစ်ချောင်းသည် ပိုမိုရ်ျစိုက်ဝင်ခဲ့ရသည်….။ အမေနှင့်အဖေရန်ဖြစ်နေစဉ်…. ရပ်ကွက်အတွင်းမှ မီးကင်းစောင့်သောသူမှ…. ညီမလေးအားအိမ်လာပို့မှပင် ကျွန်မညီမလေးအားဖက်ရ်ျငိုခဲ့ရသည်…။ ထိုနေ့မှစရ်ျ….အိမ်တွင်… အဖေရှိသောနေ့များသည်… မုန်တိုင်းများစတင်သည်းထန်တော့၏။
*** *** ***
နွေ…မိုး….ဆောင်း…သာပြောင်းလဲသွားသည်….. ကျွန်မတို့အိမ်ကလေးထဲရှိ မုန်တိုင်းသည်မစဲသေး ချေ။ အဖေနှင့်အမေ အိမ်ထဲတွင်မုန်းတိုင်းထန်တိုင်း ကျွန်မနှင့်ညီမလေးဖက်ထားသည်မှာယခုထိပင်….။ ယခုဆိုလျှင် ကျွန်မ(၁၆)နှစ်…. ပထမနှစ်ပင်တက်ရောက်နေပြီ….. ညီမလေးပျောက်သွားသောညကို အိပ်မက်ဆိုးတစ်ခုလိုပင် ကျွန်မမြင်မက်နေတုန်းပင်….. ညတိုင်းလိုလိုပင်….. မုန်တိုင်းအောက်မှ မြေဇာပင်လိုပင်….. ကျွန်မနှင့်ညီမလေးဖက်တွယ်ထားရတုန်းပင်ဖြစ်သည်။
“ဝေနှင်း….. ကျောင်းအဆင်း ညနေဘက်ကန်ဘောင်သွားမယ်လေ…လိုက်မှာလား”
“မလိုက်တော့ပါဘူး…..အိမ်မှာ အမေနဲ့ညီမလေးတစ်ယောက်တည်းမို့ ငါအိမ်ပြန်လိုက်ဦးမယ်….”
အိပ်ရေးပျက်သောညများများလာသောအခါ ကျွန်မမျက်လုံးများသည်လည်း ရီဝေေ၀ဖြစ်နေ၏။ ညစဉ် ညတိုင်းတိုက်ခတ်သော မုန်တိုင်းများ ဘယ်တော့စဲမလဲဟု စောင့်မျှော်နေရသည်မှာ ကျွန်မမောလှပြီ……။ သားသမီးအားပြည့်ပြည့်စုံစုံထားပေးသော်လည်း…… စည်းတစ်ခုကိုဖောက်ဖျက်နေသောအဖေ ဘာကြောင့်များ မပြောင်းလဲသေးတာလဲဟု ကျွန်မတွေးနေမိသည်….။ ပထမဆုံးဇနီးမယားဘ၀မှ…. ဒုတိယဘ၀လိုလိုသို့ ရောက်သွားသော အမေ့၏ခံစားချက်သည် မည်သို့ဖြစ်မလဲဆိုတာကို ကျွန်မနားလည်မိသည်….။
*** *** ***
ည(၁)နာရီခန့်……….
“ဒေါက်….ဒေါက်”
“ဒီအချိန်မှ ဘာလို့အိမ်ပြန်လာသေးလဲ ကိုဝင်းကို…..”
“ငါ့အိမ်ပဲ….ငါပြန်လာတာပေါ့…..”
“ရှင့်အိမ်လို့ပြောထွက်သေးတယ်ဟုတ်လား…..တစ်ပတ်နေလို့ တစ်ရက်လောက်တောင် အိမ်မပြန်လာတဲ့သူကို …… ”
“မင်းကို….. ငါရှာကျွေးနေတာပဲလေကွာ….”
“ရှင်ရှာကျွေးနေတာလည်း……ကျွန်မစားချင်တော့ဘူး…. ကလေးတွေကိုလည်းရှင်မသနားတော့ဘူးလား….”
ကလေးတွေဟု အမေပြောလိုက်သောအခါ…. အဖေ့မျက်နှာတွင် အရိပ်တစ်ခုဖြတ်ပြေးသွားသည်ကို ကျွန်မမြင်လိုက်သည်။ အခြားနေ့နှင့်မတူ…. ဒီနေ့မုန်တိုင်းသည် ပိုပြင်ထန်ပုံရသည်… အမေ့မျက်နှာသည်လည်း ယခင်နေ့နှင့်မတူ…..ပြတ်သားပြင်းထန်နေသည်…..။ အဖေ့နှုတ်မှထွက်သော စကားလေးတွေကလည်း…. မကြားရက်စရာဖြစ်သလို…အမေ့နှုတ်မှထွက်သောစကားလုံးများသည်လည်း ပြင်းထန်လှသည်…..။ တဖြည်းဖြည်းနှင့် အဖေ့လက်များသည်… အမေ့၏ဆံပင်များဆီသို့ကျရောက်လာသည်.. အဖေ့လက်များခေါ်ဆောင်ရာ အမေ့ခေါင်းသည်လိုက်ပါရင်း….. ယခင်မြင်ကွင်းမျိုးနှင့်မတူ…. ယခုမြင်ကွင်း သည် ကျွန်မရင်ထဲမှ စိုက်ဝင်နေသောစူးတစ်ချောင်းအား နှဲ့နေသလိုပင် နာကျင်စူးရှလှသည်….။ ကျွန်မ အာရုံများ တဖြည်းဖြည်းေ၀၀ါးလာကာ……………………
“တော်ပါတော့…..မလုပ်ပါနဲ့….”
စူးရှတဲ့ အော်ဟစ်သံနဲ့အတူ ကျွန်မလက်ချောင်းတွေ အဖေ့မျက်နှာပေါ်ကျရောက်သွား၏။ ပါးပြင်ပေါ်က မျက်ရည်တွေနဲ့အတူ ပတ်ဝန်ကျင်တစ်ခုလုံး ချာချာလည်သွားသလို ခံစားလိုက်ရသည်။ ဆံပင်တွေ ကပိုကရို ဖွာလန်ကျဲနေပြီး မျက်နှာပေါ်တွင် ချွေးနဲ့မျက်ရည်ရောပြွန်းနေတဲ့ အမေ့ရဲ့မျက်နှာ တအံ့တသြဖြစ်သွားပြီး… မျက်နှာပေါ်က လက်သည်းကုတ်ရာတွေကို သူ့လက်နဲ့စမ်းကြည့်နေတဲ့အဖေ…။ အားလုံး…အားလုံး….သည် လျှပ်တစ်ပြက်နဲ့ အချိန်တိုအတွင်းမှာပင် ပြီးဆုံးသွားသည်။
*** *** ***
ကျွန်မရင်ထဲတွင် စိုက်ဝင်နေသောဆူးတစ်ချောင်းသည် ထိုနေ့မှစရ်ျ….. နှုတ်ပစ်နိုင်ခဲ့သော်လည်း.. ထိုဆူးးတစ်ချောင်းကြောင့် ထင်ကျန်ခဲ့သောအနာသည်….. ယခုထိကျွန်မတွင်စွဲကျန်ရစ်နေခဲ့သည်…။ မိဘကို ကိုယ်ထိလက်ရောက်စော်ကားခဲ့သောအပြစ်သည်….ကျွန်မဘယ်လိုမှဖျောက်ဖျက်လို့မရနိုင်တော့ဟု ကျွန်မကိုယ် ကျွန်မယူကြုံးမရဖြစ်မိလေတော့သည်….။ အကြိမ်ကြိမ်ကျွန်မလက်ချောင်းများကို ကျွန်မကြည့်မိသလိုပင်…..ကျွန်မမျက်ရည်များစွာကျခဲ့ရဖူးသည်….။
ကျောင်းမှပြန်ရောက်ရောက်ချင်းပင်…..လွယ်အိတ်အားတိုင်မှာချိတ်ရ်ျ….. အိမ်ရှေ့ဘုရားခန်းကိုတစ် ချက်လှမ်းကြည့်လိုက်သည်။ ဘုရားခန်းတွင် အမေဘုရားရှိခိုးနေသည်……. ဧည့်ခန်းထဲတွင်….အဖေမှာ စာဖတ်နေ၏။ ညီမလေးကတော့…. ပုံဆွဲစာအုပ်ဖြင့် ပန်းချီဆွဲနေသည်….။ ကျွန်မရင်ဘတ်ကိုတစ်ချက်စမ်းမိ လိုက်သည်…. စိုက်ဝင်နေသောဆူးတစ်ချောင်းအား….နှုတ်လိုက်မည်ဆိုလျှင်…. နှုတ်လိုက်သောနေရာတွင် အနာရွတ်တစ်ခုတော့ထင်ကျန်နေမည်ဖြစ်သည်…။
*** *** ***
အောင်မိုးသူ
ကြေကွဲစရာဇာတ်လမ်းကောင်းလေး
ReplyDelete