အမှောင်ထဲက ကျွန်တော်

  

ချစ်သူရဲ့ ဆံနွယ်အခွေလေးများကို ကျွန်တော်နမ်းရှိုက်လိုက်သည်။ ကျွန်တော့်အား မျက်လုံးနက်နက် ကလေးများဖြင့် မော်ကြည့်သည့် ချစ်သူအား ကျွန်တော် တစ်ချက်ပြုံးပြမိသည်။ ကျွန်တော့်ချစ်သူ၏ မျက်ဝန်းထဲ တွင် တစ်ခုခုဆုံးဖြတ်ရန် စိတ်ပိုင်းဖြတ်ထားသည့် အရိပ်အယောင်များ ကျွန်တော်တွေ့နေရသည်။ သက်ပြင်းကို အသာချ၍ ချစ်သူ၏ပုခုံးကိုသာ တင်းကျပ်စွာဖက်ထားမိသည်။ ကန်တော်ကြီးရဲ့ ခပ်စိမ်းစိမ်းမြက် ခင်းပြင်နှင့် ပြာလဲ့လဲ့ဖြစ်နေသော ရေပြင်မှဖြတ်သန်းတိုက်ခတ်လာတဲ့ ညနေခင်းလေအေးအေးများသည် ကျွန်တော်နှင့် ကျွန်တော့်ချစ်သူနှစ်ယောက်ကို ဖြတ်သန်းတိုက်ခတ်သွား၏။ အိမ်ပြန်ဖို့အချိန်တန်ပြီ။ ကျွန်တော်တို့နှစ်ယောက် အသက်အရွယ်များသည် လူကြီးများမသိအောင် ချိန်းတွေ့ဖို့ မလိုတော့သည့် အသက်အရွယ်များ။ ကျွန်တော်တို့ ဘာကြောင့်မသိအောင် ချိန်းတွေ့နေရသည်လဲဟု မေးမည်ဆိုလျှင် အဖြေမှာ ရိုးရိုးလေးပင်…….။

                   *****************************************************

“ဆင်းရဲခြင်းလွတ်ကင်းအောင် လမ်းပြဆောင်ပါမည်….. ရတနာခုနှစ်သွယ် တစ်ကယ်ပင်စုံညီ တို့အမျိုးသားတိုင်းပြည်…..။”


          ရပ်ကွက်ထဲရှိ စတိတ်စင်ပေါ်တွင် အားပါးတရဟစ်ကြွေးနေသော အသက်(၄၀)ခန့် လူကြီးတစ်ယောက်။ စင်အောက်တွင် “နဂါးနီ”သီချင်းအား လိုက်လံသီဆိုအားပေးနေသော လူအများ။ ဒီလိုအချိန်… ဒီလိုညတွေမှာ ကျွန်တော်တို့မြို့နယ်ရှိ ရပ်ကွက်တိုင်းလိုလိုတွင် စည်းကားလှ၏။ ကျွန်တော် နေထိုင်သောမြို့နယ်၏ မြို့ဦးစေတီဗုဒ္ဓပူဇနိယပွဲတော်ကျင်းပရန်ဖြစ်သည်။ မြို့ဦးစေတီတွင် နှစ်ကျိပ်ရှစ်ဆူသော ဘုရားရုပ်ထုများကို ထုလုပ်ကာ နှစ်ကျိပ်ရှစ်ဆူ(၂၈)ဘုရားဟူ၍ ဘုရားတန်ဆောင်းရှိသည်။ နှစ်ကျိပ်ရှစ်ဆူဟူသည်မှာ  ပွင့်တော်မူပြီးသော(ဂေါတမမြတ်စွာဘုရားအထိ) ၂၅ဆူ ၊ နောင်ပွင့်မည့် ဘုရား(၃)ဆူပေါင်း (၂၈)ဆူတို့ဖြစ်ကြသည်။

          မြို့ဦးစေတီဗုဒ္ဓပူဇနိယပွဲတော်(ဘုရားပွဲ)မတိုင်ခင် နှစ်ကျိပ်ရှစ်ဆူသောဘုရားများကို မြို့နယ်အတွင်းရှိ ရပ်ကွက်အသီးသီးမှ မဲနှိုက်ကာပူဇော်ခွင့်ရကြသည်။ ဘုရားအဆူဆူများ ပူဇော်ခွင့်ရသော ရပ်ကွက်အသီးသီး သည် မြို့ဦးစေတီတွင် အလှူငွေများလှူနိုင်ရန်အတွက် ပျော်ပွဲရွှင်ပွဲများ။ သီချင်းဆိုပြိုင်ပွဲများ ပြုလုပ်ကာ အလှူငွေများအား တစ်တပ်တစ်အားရှာကြသည်။ ယခုလည်း ကျွန်တော်အိမ်အပြန်လမ်းရှိ စတိတ်စင်တွင် အလှူငွေထည့်ကာ ၀ါသနာအရသီချင်းသီဆိုကာ ဟစ်ကြွေးနေသော လူကြီးလူငယ်များ။
ပွဲငတ်နေသော ရပ်ကွက်သူ၊ရပ်ကွက်သားများအဖို့ သီချင်းဆိုကောင်းသည်ဖြစ်စေ၊ မကောင်းသည်ဖြစ်စေ စတိတ်စင်အောက်တွင်တော့ လူအများအပြားပင် ကြည့်ရှုလျှက်ရှိကြသည်။ ကျွန်တော်အိမ်ပြန်ရောက်သော အခါ အိမ်ပေါက်ဝအနီးရှိ ထိုင်ခုံတွင် ထိုင်နေသောအမေ့မျက်နှာမှာ ကြည်ကြည်လင်လင်မရှိပေ။ အခန်းထဲသို့ မရောက်မီပင် အမေ့ဆီမှ စကားသံထွက်လာ၏။

“သွားချိန်းတွေ့ပြီးပြန်လာတာလား…… သား….”
ကျွန်တော်အမေ့ကို မလိမ်ချင်ပါ။ ခေါင်းသာညိတ်ပြလိုက်သည်။

“ကိုယ့်အသိလေးလည်းထိန်းပေါ့သားရယ်…။ ဖြစ်နိုင်လားမဖြစ်နိုင်လားဆိုတာ….။ တခြားအရာဆို အမေတို့လည်း သားကိုမတားပါဘူး။”
အမေ့မျက်ဝန်းများသည် အမိန့်ပေးပုံမပေါက်ဘဲ တောင်းပန်တိုးလျှိုးသည့်အရိပ်များ ထင်ဟပ်နေသည်ကို ကျွန်တော်တွေ့ရသည်။

“သားညှိနေပါတယ်အမေ…..”
          အမေ့အားစကားတစ်ခွန်းသာပြောကာ ကျွန်တော်အခန်းထဲရှိ ကုတင်ပေါ်သို့ ပစ်လှဲချမိလိုက်သည်။ ကျွန်တော်ဘယ်လိုရှေ့ဆက်ရမည်လဲ။

                             ****************************************
“ကျွန်မဘက်ကတော့ မလျှော့နိုင်ဘူးတဲ့မောင်….။ ကျွန်မကတော့ ကျွန်မဆွေမျိုးတွေရဲ့ သဘောအတိုင်း လိုက်ရမှာပဲ…”

“နည်းနည်းစဉ်းစားပါဦးချစ်ရယ်……”

“ကျွန်မဘက်က စဉ်းစားစရာမလိုတော့လို့ပါမောင်…”
စူးရဲတောက်ပသော ချစ်သူ၏မျက်ဝန်းအစုံမှာ ပြတ်သားလှသည်။

“ဒါဆိုကိုယ်တို့နှစ်ယောက်တူတူနေပြီး ကိုယ်ယုံကြည်ရာပဲ ကိုယ်လုပ်ကြရင်ရော….”

“ကျွန်မတို့ဘက်က လက်ခံမှာမဟုတ်ဘူးမောင်။ မဖြစ်နိုင်တာတွေ မပြောစမ်းပါနဲ့…”
ကျွန်တော်တို့နှစ်ယောက်ကြားက အခြေအနေသည် အနည်းငယ်တင်းမာစပြုနေပြီ။

“ဒါဆိုမောင့်ကိုလည်း စဉ်းစားခွင့်ပေးဦး။ ပြန်ကြရအောင်ချစ်…..”

          ကျွန်တော်တို့နှစ်ယောက်အပြန်လမ်းတွင် စကားများစွာဖြင့်ရှိမနေဘဲ တိတ်ဆိတ်ငြိမ်သက်လွန်းလှ သည်။ ညနေခင်းအချိန် ကန်တော်ကြီးထဲတွင် ငှက်များ၏အသံများဖြင့်သာ ပြည့်နှက်လျှက်ရှိသည်။ ကျွန်တော့် ချစ်သူမျက်နှာတစ်ချက် စောင်းငဲ့ကြည့်လိုက်သည်။ ကျွန်တော့်ဘက်သို့ တစ်ချက်လှည့်မကြည့်ပါ။ ပြတ်သား လှပါတကား။

“ဒီလိုလိုက်ဖက်တဲ့ဘ၀ ပျော်စရာလောကကြီးကxxxxx တကယ်ပါ ကြင်နာသူလေးရှိမှxxxxxx ယုံထားမယ် အချစ်လေးxxxမင်းလေးနဲ့တူတူပါxxxxအရာရာအားပေးခံစားအချစ်လေးများအိုးxxxxxxxxx”

          စတိတ်စင်ရှေ့မှဖြတ်လာလာချင်း စတိတ်စင်ပေါ်တွင် စုံတွဲသီဆိုနေသော ကောင်လေးနှင့်ကောင်မလေးနှစ်ယောက်။ သူတို့နှစ်ယောက်အဆိုကောင်းလွန်းသောကြောင့် စင်အောက်တွင် ပရိတ်သတ်များ ပြည့်ညပ်နေတော့သည်။ စတိတ်စင်ရှိသီချင်းဆိုသံများသည် ည(၁၂)ကျော်ထိ ကြားရစမြဲဖြစ်သည်။ အိမ်သို့ရောက်ရောက်ချင်းပင်…. အမေ၊ အစ်မနှင့် ကျွန်တော့်ဦးလေးတို့ ရောက်နှင့်နေကြသည်။

“ဘယ်လိုလဲသား… ညှိလို့ရရဲ့လား….”
အမေ့စကားအား ကျွန်တော်ခေါင်းသာခါပြလိုက်သည်။

“ဒါဆိုမင်းဘယ်လိုလုပ်မလဲ…. သေချာစဉ်းစားဦး သိန်းအောင်….”
ဦးလေးမေးလိုက်သောစကားကို ကျွန်တော်ချက်ချင်း ပြန်မဖြေနိုင်ပါ။

“သိန်းအောင်ရယ် ငါတော့စိတ်ညစ်ပါတယ်။ နင့်ကျမှဘာလို့ ဘာသာမတူတဲ့သူကို သွားချစ်ရတာလဲဟယ်..”
အစ်မ၏မျက်လုံးများသည် မျက်ရည်များတလဲ့လဲ့ဖြစ်နေရှာ၏။

“ဒီလိုအခြေအနေမှာတော့ အားလုံးကို ရှင်းရှင်းလင်းဖြစ်မှရတော့မယ် တူလေး။ ဦးလေးမေးမယ်နော် မင်းတို့နှစ်ယောက် ကျူးကျူးလွန်လွန်ရော ဖြစ်ပြီးကြပြီလား…..”

          အမေနှင့်အစ်မတို့ရှေ့တွင် ဦးလေးမေးလိုက်သော မေးခွန်းမှာ ကျွန်တော့်ခေါင်းအားတူနှင့်ရိုက်ပစ် လိုက်သကဲ့သို့ပင်။ အမေနှင့်အစ်မတို့၏ မျှော်လင့်ခြင်းမျက်လုံးများသည် ကျွန်တော့်ထံတွင်သာ ရှိနေတော့ သည်။ ကျွန်တော်ပေးသောအဖြေသည် မျှော်လင့်ထားသလိုမဟုတ်မှန်း ကျွန်တော်ကိုယ်တိုင်သာသိတော့၏။ ဦးလေးမေးသော မေးခွန်းကို ကျွန်တော်ခေါင်းငြိမ့်ပြရုံမှတစ်ပါး အခြားမရှိတော့ချေ။ အမေ့ထံမှ သက်ပြင်း တစ်ချက်သာကြားရသည်။ အစ်မကိုတစ်ချက်ကြည့်လိုက်သောအခါ အစ်မ၏ပါးပြင်ပေါ်တွင် မျက်ရည်စအချို့ကို ကျွန်တော်တွေ့လိုက်ရသည်။ ဦးလေးမှာတော့ လက်နှစ်ဖက်ဖြင့် ခေါင်းကိုသာ နှိပ်နေတော့သည်။

                             ********************************************
ည(၈)နာရီ……….
          ချစ်သူ၏ချိန်းဆိုချက်တစ်ခုကြောင့် ကျွန်တော်ချစ်သူနားသို့ရောက်နေ၏။ ကျွန်တော့်ချစ်သူထံမှ စေခိုင်းသောစကားသည်…………။

“ဒါလေးတစ်ခုတော့ လုပ်ပေးပါမောင်…”

“မောင်ဘာလုပ်ပေးရမှာလဲ….”

“ဆရာတို့နဲ့သာ လိုက်သွားပါမောင်……”

          ကျွန်တော်ရောက်ရှိနေပြီ။ ကျွန်တော်နှင့်ဘာသာမတူသောသူများ၏ ဘုရားကျောင်းတစ်နေရာတွင် ဖြစ်သည်။ ကျွန်တော့်ဘေးတွင် ဘာသာခြားဆရာသုံးယောက်ရှိနေသည်။ ကျွန်တော့်ဘ၀တစ်ခုလုံးတွင် ဘာသာခြားတစ်ခု၏ ဘုရားကျောင်းသို့ ပထမဆုံးရောက်ရှိခြင်း ပင်။ ရောက်ပြီးကာမှ အမေ့ကိုကျွန်တော်သတိ ရမိသည်။ ကျွန်တော်ရောက်ရှိနေခဲ့သည်ကို အိမ်မှမိသားစု တစ်စိုးတစ်စဉ်းမှ မသိချေ။ ရပ်ကွက်ထဲတွင် စတိတ်စင်မှ ဈေးသည်များ၏အသံ လူအသံများကိုတော့ သဲ့သဲ့မျှ ကျွန်တော်ကြားနေရသည်။ ဘုရားကျောင်းထဲတွင် ရပ်နေရင်းပင် ကျွန်တော်ချွေးစေးများပျံ၍လာသည်။

“သူတို့လုပ်ခိုင်းသာတာ လုပ်ပေးပါမောင်….။ အဆင်ပြေမှာပါ…။”

          ကျွန်တော်ဘာလုပ်ပေးရမည်လဲ။ သူတို့ပြောပြချက်အရ ကျွန်တော်ရပ်နေသော နေရာမှ ခြေတစ်လှမ်းသာ လှမ်းရုံဖြစ်သည်။ ကျွန်တော့်ဘေးတွင်ရပ်နေသော တစ်ယောက်မှ ပုံတစ်ပုံအား ကျွန်တော် လှမ်းမည့်ခြေတစ်လှမ်းစာလောက်တွင် ထိုပုံအားနေရာချပေးသည်။ ကျွန်တော်ကြည့်လိုက်သည်။ ကျွန်တော် မြင်လိုက်ရသောပုံသည်……….။ ကျွန်တော်မျက်လုံးများဝေး၀ါး သလိုခံစားလာရသည်။ မြတ်စွာဘုရားပုံတော်.. ဗုဒ္ဓ…….ပုံတော်။ ပတ်ဝန်းကျင်တစ်ခုလုံး အမှောင်ဖုံးသွားသလို ခံစားသွားမိသည်။ ဘေးပတ်ဝန်းကျင်အား ကျွန်တော်အကဲခတ်ကြည့်မိသည်။ ဟန်မပျက် မူမပျက်ကြပါ။ ကျွန်တော်ခြေထောက်များသည် တုန်ယင်လာ သည်။ ကျွန်တော်………… ကျွန်တော်………… ဘာလုပ်ရမည်လဲ………………။ ထိုစဉ်…………………………

“ဗုဒ္ဓံxxxxသရဏံ(စရဏံ)xxxxဂစ္ဆာမိ ၊ ဓမ္မံxxxသရဏံ(စရဏံ)xxxဂစ္ဆာမိ ၊ သံဃံxxxသရဏံ(စရဏံ)xxxဂစ္ဆာမိ xxxစရံနတ္ထိယံ ၀ရံပူဇေမိxxxxx”

          ကျွန်တော်ကြားလိုက်ရသောအသံ ထိုအသံသည် စတိတ်စင်ပေါ်မှ လာခြင်းဖြစ်သည်။ ကျွန်တော်အဲသည် သီချင်းမကြားဖူးချေ။ ပထမဆုံးထွက်ပေါ်လာသောစကားလုံး။ နောက်ပိုင်းတီးလုံးများဖြင့် သီချင်းစတော့သည်။

“ကမ္ဘာမြေပြင်အမှောင်အတိနေ့ရက်များxxxကယ်တင်ရှင်မရှိသော အခိုက်ကာလxxx ဥာဏ်ပညာအလင်းနဲ့xx လမ်းမှန်ပြxxxဗုဒ္ဓ……”

          အသံကောင်းကောင်းဖြင့် သီဆိုနေတဲ့ အဆိုရှင်ရဲ့အသံ နားထောင်နေရင်နဲ့ပဲ ကျွန်တော်အလင်းစက် တစ်ချို့တွေ့လိုက်ရသည်။

“အမှန်ကိုမမြင်နိုင်ခြင်း အ၀ိဇ္ဇာတရားxxxxအရာရာကို တွယ်ငြိတဲ့တဏှာxxကံကြမ္မစက်ဝန်းအားချိုးဖျက်သွားxx ဗုဒ္ဓ…..”
         
          ကျွန်တော့်မျက်နှာနဲ့ခန္ဓာကိုယ်တစ်ခုလုံးက ချွေးစက်တွေ တစ်ချိန်းတည်းအေးစက်သွားသလို ခံစားလိုက်ရသည်။ ကျွန်တော်…ကျွန်တော် တစ်ခဏအတွင်းမှာပဲ အလင်းအချို့ကိုတွေ့လိုက်ရတယ်။ ကျွန်တော်ခြေတစ်လှမ်းတိုးဖို့ပြင်လိုက်သည်။ ထိုခြေတစ်လှမ်းသည် နောက်သို့လှမ်းလိုက်ခြင်းဖြစ်သည်။ ကျွန်တော်ရောက်ရှိနေသော အမှောင်ထဲမှ အလင်းရှိရာသို့ပြင်လိုက်သည်။ ကျွန်တော့်လက်တစ်ဖက်သည် ကျွန်တော့်ရှေ့တွင်ရှိသော ဗုဒ္ဓပုံတော်ကိုလှမ်းယူကာ ကျွန်တော့်ရင်ဘတ်ထဲရှိအိတ်ကပ်ထဲသို့ ထည့်လိုက် သည်။ ကျွန်တော်ပြေးထွက်လာခဲ့သည်။
          စတိတ်စင်အောက်ရှိ စိတ်ဝင်တစားရှိနေသော လူအများကြားတွင် ဘုရားသီချင်းသော သီဆိုနေသော လူငယ်လေးတစ်ယောက်အား ကျွန်တော်မော်ကြည့်မိလိုက်၏။ ကျွန်တော်တစ်ကိုယ်လုံး ချွေးများဖြင့် ရွှဲနင့်ကာ နေလေတော့သည်။ ကျွန်တော့်အကျီ င်္ရင်ဘတ်အိတ်ကပ်ထဲမှ ဗုဒ္ဓပုံတော်ကို ကျွန်တော်ပြန်စမ်းကြည့်မိလိုက် သည်။ စတိတ်စင်ပေါ်မှ ဘုရားသီချင်းသည် အဆုံးတိုင်ကိုရောက်ရှိနေသည်။ သီချင်းပူဇော်နေသော ကောင်လေးမှာ သီချင်းထဲသို့ ဈာန်ဝင်နေဆဲ……။ ဘုရားသီချင်းအဆုံးတွင်……..

“ဗုဒ္ဓံxxxxသရဏံ(စရဏံ)xxxxဂစ္ဆာမိ ၊ ဓမ္မံxxxသရဏံ(စရဏံ)xxxဂစ္ဆာမိ ၊ သံဃံxxxသရဏံ(စရဏံ)xxxဂစ္ဆာမိ xxxစရံနတ္ထိယံ ၀ရံပူဇေမိxxxxx”

          ကျွန်တော်၏နှုတ်ဖျားမှလည်း စတိတ်စင်ပေါ်မှ အသံနှင့်အတူတူ ရေရွတ်လိုက်တော့၏။


         အမှောင်အရိပ်များရောယှက်နေသည့် သံတိုင်များ၏ နောက်ကွယ်ရှိ အခန်းငယ်ထဲတွင် ကျွန်တော်ရောက် ရှိနေသည်။ သံတိုင်များ၏အမှောင်ထက် ပို၍မှောင်မိုက်သော အမှောင်ထဲမှ ကျွန်တော်ရုန်းနိုင်ခဲ့သည်။ ကျွန်တော် ရင်ဘတ်ပေါ်ရှိ အိတ်ကပ်ပေါ်သို့ လက်ဖြင့်မိုးကာ.......... တစ်စုံတစ်ခုအား တိုင်တည်လိုက်သည်။ အမှောင်တကာအမှောင်ထဲမှ လူသားအားလုံးရုန်းထွက်နိုင်ကြပါစေ......။



                   *************************************************
စာကြွင်း။         ။ဖြစ်ရပ်မှန်အား အခြေခံထားပါသည်။
                   သီချင်း၏အမည်  - မဟာဝီရအိုဗုဒ္ဓ
                             သီဆိုသူ - ထူးအိမ်သင်


အောင်မိုးသူ(စူးရှ)
ဇန်န၀ါရီ 26ရက် 2012
ကြာသပတေး နေ့လည် ၁၂နာရီ ၊ ၃၉မိနစ်
www.aungmoethu.blogspot.com